wandara

bisch am wandara
supr tschillig odr
oan fuass vor
    dr andere
t–r–a–n–c–e
ganz i dir dinna
oans mit da natur um di ummi

denksch dr nix böses
kunt dr an andara vrgegat
siasch scho vo dr wite
kunt immr nöchr
denksch dr no nix böses
will bisch jô duss
i–n–g–o–t–t–e–s–n–a–t–u–r
dô ka nix bassiira
bisch relaxd

jiz ischr fascht dô
    dr andere
a baar schritt no
schaut ned uus wia an hiisiga
eer so volle montur
wia usm regal
f–u–n–k–t–i–o–n–s–k–l–e–i–d–u–n–g
farblich körig abgschtimmt
kamma nix säga

simmr numma ganz alloinig
    dr andere
im oog
haut dlandschaft a klä zämm
abr guat, denksch dr
bisch jô selbr
ned so dr profi dô, odr
eer turischt am berg o
zum abako halt
zum da ganze scheiss
ussischpüala
usm schädel

uf jeden fall
numma ganz relaxd
kollision schtôt kurz bevor
luagat o zrukk odr
    dr andere
koa schamgefüül wias usschaut
mümmr was säga wias usschaut
kasch ned einfach schtill vorbeigô
des gôt ned
des kasch ned macha

also, a kle konzentriira
hät där o no a sunnabrilla uf odr
quasi ungleichgewicht mim luaga
will der ka halt
hintr dr brille ussaluaga
in di iniluaga
und es fallt ned uuf
du selbr
oone visiir unterwegs
blöde sach, denksch dr

abr guat, denksch dr
muass ma durch
ned so wild
isch jô o nur an mensch
    dr andere
ziimli sichr koan deppata
wobei
di sach mit dr
f–u–n–k–t–i–o–n–s–k–l–e–i–d–u–n–g
di macht di scho a kle schkeptisch
wer zücht sich so a
dô schtimmt was ned
abr egal

konzentration jitz
volla fokus ufd kollision
nützt ja nünt
abr was sät ma
i so nara situation
(...)
hoi küntasch säga
abr däs vrschtot r waarscheinlich ned
was irgendwii wurscht wär
(...)
heile isch schwiirig
so generell
und woasch halt oo net
wo där herkunt
(...)
seawas isch o guat
a klee schovial villicht
(...)
g–r–ü–s–s–g–o–t–t
isch a problem
us märara perschpektiven
und andära optionen
falla mr koane i grad

muasch a entscheidung treffa
lässig basst immr
also gommr mit hoi
dänn woas där o glei
    dr andere
dass d vo dô bisch
o–b–e–r–w–a–s–s–e–r, odr
also nebadanandr
kurz ufgluagat
(...)

hoi
griass di